Pamahalaang Panlalawigan ng Quezon, Nakikiisa sa Pagdiriwang ng Pride Month
Ipinahayag ng Pamahalaang Panlalawigan ng Quezon ang pakikiisa nito sa pagdiriwang ng Pride Month, bilang pagpapakita ng suporta sa pagsusulong ng respeto, pagkakapantay-pantay, at pagkilala sa karapatan ng bawat mamamayan.
Sa pamamagitan ng mensahe nito, binigyang-diin ng pamahalaang panlalawigan ang kahalagahan ng pagbuo ng isang lipunang may pagtanggap at paggalang sa bawat isa, anuman ang kasarian, paniniwala, o identidad.
Hinikayat din ang mga Quezonian na ipagdiwang ang pagiging totoo sa sarili, kilalanin ang lakas ng pagkakaiba-iba, at patuloy na isulong ang isang komunidad na inklusibo at walang diskriminasyon.
Ayon sa pamahalaang panlalawigan, ang Pride Month ay paalala na ang respeto, pagkakapantay-pantay, at pagkilala sa dignidad ng bawat tao ay mahalagang bahagi ng paglikha ng mas makatarungan at mapagkalingang lipunan.
